അക്ഷരവെളിച്ചത്തിൻ്റെ 75 വർഷങ്ങൾ പിന്നിടുന്ന പനങ്ങാട് സ്കൂളിൻ്റെ ഔദ്യോഗിക വെബ് പോർട്ടലും പ്ലാറ്റിനം ജൂബിലി പ്രത്യേക പതിപ്പും.
ശ്രീനാരായണപുരം പഞ്ചായത്തിൽ അറിവിൻ്റെ ആദ്യാക്ഷരങ്ങൾ പകർന്നുനൽകി സ്ഥാപിതമായ വിദ്യാലയം.
ഏഴ് പതിറ്റാണ്ടിലേറെയായി പതിനായിരക്കണക്കിന് വിദ്യാർത്ഥികൾക്ക് ദിശാബോധം നൽകിയ സാരസ്വതസങ്കേതം.
UP, High School വിഭാഗങ്ങളും സയൻസ്, കൊമേഴ്സ് സ്ട്രീമുകളുള്ള Higher Secondary വിഭാഗവും.
പ്രിയരേ,
കാലത്തിൻ്റെ കുത്തൊഴുക്കിൽ മായാതെ, തലമുറകളുടെ ഹൃദയങ്ങളിൽ മായാത്ത മുദ്ര പതിപ്പിച്ച്, വിജ്ഞാനത്തിൻ്റെ ദീപശിഖയേന്തി ഹയർ സെക്കൻ്ററി സ്കൂൾ പനങ്ങാട് എഴുപത്തിയഞ്ച് വർഷങ്ങളുടെ മഹത്തായ ചരിത്രസപര്യ പൂർത്തിയാക്കുകയാണ്. 1951-ൽ തുടക്കം കുറിച്ച ഈ അക്ഷരമുറ്റം അനേകം ജീവിതങ്ങൾക്ക് ദിശാബോധം പകർന്നും സ്വപ്നങ്ങൾക്ക് വർണ്ണച്ചിറകുകൾ നൽകിയുമാണ് കാലത്തിൻ്റെ നെറുകയിൽ അഭിമാനപൂർവ്വം നിലകൊള്ളുന്നത്.
ഇത് കേവലമൊരു വിദ്യാലയത്തിൻ്റെ വാർഷികാഘോഷമല്ല, ഒരു നാടിൻ്റെ വിദ്യാഭ്യാസ ചരിത്രത്തിൻ്റെ ആഘോഷമാണ്. അറിവിൻ്റെ ആദ്യാക്ഷരങ്ങൾ കുറിച്ചുതന്ന ഗുരുശ്രേഷ്ഠരുടെയും ഈ മണ്ണിൽ സ്വപ്നങ്ങൾ നട്ടുവളർത്തിയ വിദ്യാർത്ഥികളുടെയും ഓർമ്മകൾ ഒത്തുചേരുന്ന സ്നേഹസംഗമമാണിത്.
അനുഭവങ്ങളുടെ സമ്പത്തും സൗഹൃദങ്ങളുടെ ഊഷ്മളതയും തലമുറകളുടെ ആത്മബന്ധവും ഒരുമിച്ചുചേരുന്ന ഈ സുവർണ്ണനിമിഷം പനങ്ങാടിൻ്റെ സാമൂഹിക-സാംസ്കാരിക ചരിത്രത്തിലെ അവിസ്മരണീയ അധ്യായമായി മാറട്ടെ.
ഈ മഹത്തായ പ്ലാറ്റിനം ജൂബിലി ആഘോഷങ്ങളുടെ ഉദ്ഘാടനച്ചടങ്ങ് 2026 നവംബർ 15 ഞായറാഴ്ച ഉച്ചകഴിഞ്ഞ് 2 മണിക്ക് വിദ്യാലയാങ്കണത്തിൽ പ്രത്യേകം സജ്ജമാക്കിയ വേദിയിൽ വെച്ച് ബഹുമാനപ്പെട്ട യുവജനക്ഷേമ-കായികവകുപ്പ് മന്ത്രി ശ്രീ. ഒ. ജെ. ജനീഷ് നിർവ്വഹിക്കുന്നു.
ഓർമ്മകളുടെ മധുരവും സൗഹൃദങ്ങളുടെ ഊഷ്മളതയും ഗുരുസ്മരണകളുടെ പവിത്രതയും ഒത്തുചേരുന്ന ഈ ചരിത്രമുഹൂർത്തത്തിന് സാക്ഷികളാകാൻ ഏവരെയും ഹൃദയപൂർവ്വം ക്ഷണിക്കുന്നു.
പൂവ്വത്തുംകടവിൽ കൃഷ്ണൻ്റെയും അരയംപറമ്പിൽ ഉണ്ണൂലിക്കുട്ടിയുടേയും മകനായി 1911-ൽ ജനിച്ചു. കൊടുങ്ങല്ലൂർ ബോയ്സ് ഹൈസ്കൂളിലും തൃശൂർ സെൻ്റ് തോമസ് കോളേജിലുമായി വിദ്യാഭ്യാസം പൂർത്തിയാക്കി. "വിദ്യകൊണ്ട് സ്വതന്ത്രരാകുക" എന്ന ശ്രീനാരായണ ഗുരു സന്ദേശം ഉൾക്കൊണ്ട് വളരെ പിന്നോക്കാവസ്ഥയിലായിരുന്ന ശ്രീനാരായണപുരം പഞ്ചായത്തിൽ 1951-ൽ ഹൈസ്കൂൾ പനങ്ങാട് സ്ഥാപിച്ചു. ഇതിനകം പതിനായിരക്കണക്കിന് വിദ്യാർത്ഥികൾക്ക് അറിവ് പകർന്ന ഈ വിദ്യാലയം ഹയർസെക്കൻ്ററി തലത്തിൽ എത്തിനിൽക്കുന്നു.
അധ്യാപക പരിശീലനത്തിനായുള്ള കൃഷ്ണ ട്രെയിനിംഗ് ഇൻസ്റ്റിറ്റ്യൂട്ടും ശ്രീനാരായണപുരം പോളോ തിയ്യറ്ററും (1973) അദ്ദേഹത്തിൻ്റെ സംഭാവനയാണ്. നാടിൻ്റെ വികസന കാര്യങ്ങളിൽ വിശാലമായ കാഴ്ചപ്പാടുണ്ടായിരുന്ന ഭഗീരഥൻ മാനേജർ എല്ലാ നല്ല പ്രവർത്തനങ്ങളുടെയും അമരക്കാരനായിരുന്നു. അങ്ങനെ ഒരു ദേശത്തിൻ്റെ തന്നെ മാനേജരായി അദ്ദേഹം അറിയപ്പെട്ടത് അപൂർവ്വമായ അംഗീകാരം തന്നെയാണ്. പൂവ്വത്തുംകടവ് പാലം നിർമ്മാണ കമ്മിറ്റിയുടെ രക്ഷാധികാരിയായി പ്രവർത്തിച്ച് തൻ്റെ ആത്മാർത്ഥതയും ഊർജ്ജസ്വലതയും സേവനസന്നദ്ധതയും വ്യക്തമാക്കി.
എം.എൽ.എ., കയ്പമംഗലം
പ്രസിഡൻ്റ്, മതിലകം ബ്ലോക്ക് പഞ്ചായത്ത്
പ്രസിഡൻ്റ്, ശ്രീനാരായണപുരം ഗ്രാമപഞ്ചായത്ത്
പ്രസിഡൻ്റ്, മതിലകം ഗ്രാമപഞ്ചായത്ത്